Алимбаев Тельман Ақашұлы 1939 жылы 7 ақпанда Қарағанды облысы Нұра ауданы Еңбек қорғау ауылында дүниеге келді.
1956 жылы Казгородок ауылының қазақ мектебінің сегізінші сыныбын бітіріп, Алматы қаласының Құрылыс техникуміне түсті. 1959 жылы техникумда оқуын аяқтағаннан кейін ауданның халық депутаттар атқару комитетінің колхоз құрылысы және көгалдандыру бөлімін басқарды. 1960–1963 жылдары аралығында Чкалов атындағы совхоздың құрылыс саласында еңбек етті.
1974–1977 жылдарға дейін Чкалов атындағы совхоздың құрылысын старший прораб ретінде басқарды. 1977–1980 жылдары совхоздың партия ұйымының партком секретары қызметін атқарды. 1982–1983 жылдары аралығында Нұра аудандық Советінің атқару комитеті төрағасының бірінші орынбасары болып қызмет атқарды.
1985–1994 жылдары Чкалов совхозында директордың өндіріс жөніндегі орынбасары лауазымында, 1994–1997 жылдары Нұра ауданының Балықтыкөл совхозының директоры болып қызмет атқарды. 1997–2000 жылдары аралығында Казгородок ауылында Батыр өндірістік кооперативін басқарды. 2000–2002 жылдары Алпыс шаруа қожалығында агроном болып істеді. 2002 жылдан зейнеткерлікке шықты.
Марапаттары:
1969 жылы – ауыл шаруашылығы Министрі М.Г. Рогинецтің Құрмет грамотасы;
1973 жылы – Қазақ ССР Ауыл шаруашылығы Министрінің Құрмет грамотасы;
1976 жылы – Ударник девятой пятилетки төсбелгісі;
22 ақпан 1982 жылы – Еңбек ерлігі үшін медалі;
1 қыркүйек 1982 жылы – Қарағанды облысының Азаматтық қорғаныстың үздігі төсбелгісімен марапатталды;
1985 жылы – Нұра ауданы әкімінің Құрмет грамотасы;
2023 жылы – Қазақстан Республикасы Индустрия және құрылыс министрлігінің Еңбек ардагері медалі.
Қарағанды облысы Нұра аудандық мәслихатының 2024 жылғы 10 қазандағы № 119 шешімімен Алимбаев Тельман Ақашұлына Нұра ауданының Құрметті азаматы атағы берілді.
Жүнісов Рысбай Қошмағанбетұлы, 1956 жылы 16 наурызда Целиноград облысы Қорғалжын ауданының Калинин кеңшарында дүниеге келген.
Рысбай Қошмағанбетұлы 1974 жылы XXII партсъезд кеңшарындағы мектепті бітіргеннен кейін алғашқы еңбек жолын XXII партсъезд кеңшарындағы Армандастар комсомол жастар бригадасында бастады. 1974 жылдың қарашасынан 1976 жылдың қарашасына дейін Украина КСР-нің Киев, Тернополь, Харьков, Чертков, Львов қалаларында әуе шабуылына қарсы қорғаныс секторында әскери борышын өтеді
1977 жылы ауылшаруашылық институтына түсу үшін дайындық курстарына қабылданып, 1983 жылдың тамыз айында осы оқу орнын инженер-механик мамандығы бойынша тәмамдайды. Оқуын аяқтағаннан кейін, 1983 жылдың қазан айынан бастап МТМ бастығы, содан кейін Сарыөзен кеңшарының бас инженері болып жұмыс істеді. 1987 жылдың қараша айында Теңіз ауданының Агроөнеркәсіптік бірлестігіне бас инженер болып ауыстырылды.
1988 жылдың шілдесінен 2000 жылдың мамырына дейін Талдысай кеңшарының бас инженері, 2000 жылдың мамырынан 2003 жылдың маусымына дейін Талдысай акционерлік қоғамының президенті, 2003 жылдың шілдесінен 2017 жылға дейін Талдысай-2030 жауапкершілігі шектеулі серіктестігінің директоры болып жұмыс істеді. 2017 жылдан 2020 жылға дейін Нұра ауданындағы Талдысай ауылының әкімі қызметін атқарды.
Жүнусов Рысбай Қошмағанбетович — тәжірибелі басшы әрі ұйымдастырушы. Ауданның қоғамдық өміріне белсене қатысады. Ауыл және аудан тұрғындары арасында құрметке ие.
Ауыл шаруашылығын дамытуға сіңірген еңбегі үшін Ерен еңбегі үшін медалімен, Қазақстан Республикасының Тәуелсіздігіне 20 жыл төсбелгісімен, Еңбек Даңқы ІІ дәрежелі төсбелгісімен, сондай-ақ Нұра ауданының 90 жылдығына арналған төсбелгімен марапатталған. Қазақстан Республикасы Ауыл шаруашылығы министрінің, Қарағанды облысы әкімінің және Нұра ауданы әкімінің Құрмет грамоталары мен Алғыс хаттарымен марапатталған.
Жүнісов Рысбай Қошмағанбетұлы туралы ақпарат Қорғалжын энциклопедиясы, Нұр ауданының энциклопедиясы кітаптарына, сондай-ақ 2024 жылы жарық көрген Қазақтың алтын кітабы кітаптарына енгізілді.
Қарағанды облысы Нұра аудандық мәслихатының 2024 жылғы 10 қазандағы No 119 шешімімен Рысбай Қошмағанбетұлы Жүнісовке Нұра ауданының Құрметті азаматы атағы берілді.
Головина Любовь Ивановна 1947 жылдың 12 ақпанында Қарағанды облысы Теміртау қаласында дүниеге келген.
Еңбек жолын 1971 жылы Қарағанды мемлекеттік медициналық институтын бітіргеннен кейін Нұра аудандық ауруханасында бастаған.
1974 жылы Қарағанды қаласының №6 перзентханасында акушер-гинеколог мамандығы бойынша интернатурадан өткен.
Оқуды аяқтағаннан кейін Любовь Ивановна Нұра ауданына жіберіліп, сонда акушер-гинеколог дәрігері лауазымында көп жылдық әрі абыройлы кәсіби қызметін бастаған.
Өзінің бүкіл өмірін осы игі іске арнап, зейнеткерлік демалысқа шыққанға дейін адал еңбек етті.
Жылдар бойы жұмыс істеген кезінде Любовь Ивановна өзін жоғары білікті, компетентті және өз ісіне адал маман ретінде көрсетті. Ол өз ісіне жауапкершілікпен қараған, еңбексүйгіш және мейірімді дәрігер ретінде танылды, кәсіби білімді науқастарға шынайы қамқорлықпен шебер үйлестірді. Оның тәжірибесі мен адал еңбегі арқасында жүздеген әйелдер сапалы медициналық көмек алды, ал көптеген отбасылар ана мен әке болудың қуанышын сезінді.
Любовь Ивановна медициналық конференциялар мен семинарларға белсене қатысып, жас мамандарға өз тәжірибесімен бөлісті, әріптестеріне консультациялық көмек көрсетті.
Ол жарты ғасырдан астам мінсіз қызметін халық денсаулығы жолындағы еңбегіне арнады. Еңбек еткен жылдары әріптестерінің құрметіне, емделушілерінің алғысына, аудан тұрғындарының алғысына бөленді.
Денсаулық сақтау саласындағы жетістіктері үшін Любовь Ивановна Қазақстан Республикасының Тәуелсіздігіне 20 жыл мерейтойлық медалімен (2011 ж.), Қазақстан Республикасы Денсаулық сақтау министрлігінің Еңбек ардагері медалімен (2023 ж.) марапатталды, сондай-ақ Қарағанды облысының, Нұра ауданының әкімі және облыстық денсаулық сақтау басқармасының Құрмет грамоталармен және алғыс хаттармен марапатталды.
Қарағанды облысы Нұра аудандық мәслихатының 2024 жылғы 10 қазандағы No 119 шешімімен Любовь Ивановна Головинаға Нұра ауданының Құрметті азаматы атағы берілді.